Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سوہنی مہینوال >> سوہنی مہینوال: بند٢١ - ٢٥

سوہنی مہینوال: بند٢١ - ٢٥

ہاشم شاہ
January 18th, 2008
5 / 5 (1 Votes)

ویچے آن بازار پیالے جائے لین دوکانے
جام فروش بپاری بن کے ویکھے ایس بہانے
باتاں
نال کرے گھمیاراں رکھدا نظر نشانے
ہاشم عشق سکھائے آپے مرداں مکر زنانے

صبر آرام نہ آوس ہرگز باھجھوں اوس ٹھکانے
مڑ مڑ پھیر وٹاون جاندا رکھ رکھ عیب دھگانے
چونہہ دی چیز دیوے دو نہہ پیسیں سست نہ مہنگ پچھانے
ہاشم آپ بناں مل وکیا ہور کیہ ویچن جانے

پچھلی گئی گواتی اس تھوں خوبی تے وڈیائی
ویکھ وہار کرے جگ ہاسا بنیاں ٹھیک سودائی
دُنیا یار کسے دی ناہیں مطلب دار لوکائی
ہاشم نال تیرے کہیہ کردے نہ کر بات پرائی

چاموں دام چلاوے کچرک دام رہے ہتھ پلے
جد اوہ خرچ گئی ہو پونجی کجھ تدبیر نہ چلے
کیکر ساک وڑے اس ویہڑے راہ بخیلاں ملے
ہاشم پیش نہ جاوے بعضے قضیے ہون اولے

عاجز آن ہویا دکھیارا صبر آرام نہ آوے
دل نوں روگ لگا اٹھ ڈاڈھا حکمت پیش نہ جاوے
چاکر نال رہیا گھمیاراں مہئیں
چار لیاوے
ہاشم شوق غرور نہ چھڈدا خاک ہویاں رہ آوے


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels