Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سوہنی مہینوال >> سوہنی مہینوال: بند٢٦ - ٣٠

سوہنی مہینوال: بند٢٦ - ٣٠

ہاشم شاہ
January 18th, 2008

نازک ناز پروردہ سکھیا مہیں چار نہ جانے
کیتا عشق نماناں کرکے پائے زوردھگانے
رو رو یاد کرے دن راتیں پچھے وقت وہانے
ہاشم راہ عشق دا مشکل لگ لگ چوٹ پچھانے

مہیں روز چگاوے چھیٹرے بیلے بزور کاہی
مہینوال کہے جگ سارا گھمیاراں دا ماہی
راتیں نیند آرام نہ آوے دنے رہے نت راہی
ہاشم جان چھڑاون مشکل بری عشق دی پھاہی

آہیں مارے تے غم کھاوے پیوے خون جگر دا
رووے پھیر کرے دل گھائل زخمی وصل ہجر دا
عاجز آن مصیبت پھسیا پنچھی دور شہر دا
ہاشم شوق دیوانہ کیتا مگر مہیں دے پھردا

مہیں نال رہے دن پھردا رات پوے گھر آوے
ویکھے آن سجن نوں جیوے سویں نہ پیوے کھاوے
ساری رات گنیندیاں تارے تے روون نال وہاوے
ہاشم چھیج وچھا سولاں دی کون کوئی سکھ پاوے

اٹھے پہر اندیشہ محنت خوشی آرام نہ بھورا
کچرک ایس طرح نبھ آوے ریہس دلے وچ زورا
توری وانگ ہویا تن پنجرہ گیا گمان نہورا
ہاشم عشق قدیم قصائی ظالم آدم خورا


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels