Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سوہنی مہینوال >> سوہنی مہینوال: بند٣١ - ٣٥

سوہنی مہینوال: بند٣١ - ٣٥

ہاشم شاہ
January 18th, 2008

ہوون چاک چوگاون مہیں دیہی زور جواناں
دہ دہ سیر خوراک جنہاں دی کرڑی کار حیواناں
نازک بدن برہوں دکھیارا ببتا دیس بیگاناں
ہاشم کار بری اوہ عاجز رووے بیٹھ دیواناں

باہر کون مزاخاں پالی رہے چو پاتا پھر دا
گھر آوے تے گھر دا کوئی آدر بھا نہ کردا
عاجز ویکھ سبھو جگ اس تھوں پیر پچھاہاں دہردا
ہاشم جان جگت وچ آدر زور جوانی زر دا

مہیں بہت چگاون مشکل عاجز ہویا نماناں
ہٹیاں پھیر محال دسیوے یار سجن ول جاناں
مہیں باھجھ وسیلہ اس دا کوئی نہ ہور ٹکاناں
ہاشم ہور نہیں وچ دُنیا عاشق جیڈ نتاناں

جس نوں ہور کسے نوں پیندا آن کوئی دکھ بھارا
گھر دے درد ونڈاون اس دا ترس کرے جگ سارا
عاشق ویکھ جویں جیؤں دکھ دا کردا عشق پسارا
ہاشم لوگ تیویں تیؤں دشمن روگ کہیا
ہتیارا

ایسے حال آزادی دل نوں پھر دا رہیا اتھائیں
ڈروا ایس جہانوں ایناں پھریا روگ لوکائی
ککھاں وچ برہوں دی آتش رکھی اوس چھپائی
ہاشم کون لکاوگ جس دن نوبت عشق وجائی


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels