عاشق لوگ آزاری ہر دم ہون معشوق سیانے کامل وید ملن جس تائیں ویدن خوب پچھانے سوہنی عشق معشوقاں والی ریت پریت نہ جانے پاشم بہت لاچاری اس تھیں مہینوال نمانے
لوں لوں نال دکھاں بھر آوے چھیڑ مہیں جد تردا رو رو نال آکھیں دن سارا دھووے داغ ہجر دا چوتھے پہر مہیں چھیڑ آپے رکھن شوق شہر دا ہاشم اوس سمیں خوش ہو کے شکر ہزاراں کردا
مہیں نال شہر نوں تردا خوش ہو نال پیاراں جیؤں کر بھور خزاں دن آون پھگن چیت بہاراں نیٹرے شہر جویں جیؤں آوے چڑھ دے چند ہزاراں ہاشم لیکھ سدا اس خاراں ہوس کدے گلزاراں
ویکھے آن دیدار سجن دا لاکھ لاہے کر جانے نفراں وانگ پھرے وچ خدمت آکھے باھجھ دھگانے جت کت حال خوشامد کر کے رہندا اوس ٹکانے ہاشم ہٹن محال جنہاں دے ہوون روح وکانے
حکمت نال جہانوں ڈر دا کر کر لاکھ بہانے نیویں دھون چراویں نظرے رکھ دا نہیج نشانے ویکھن نین بچاون نالے لاکھان نین نشانے ہاشم عاشق ہون عیاری دسن حال دیوانے
