مہینوال مہیں دن چارے حال برے بن باسی ڈانواں ڈول سوہنی وچ گھر دے ریہندی بہت اداسی اوکھی چال بنی دن دوہاں گھائل جان پیاسی ہاشم رات پوے جس ویلے ویکھ دوہاں دکھ جاسی
مہیں چارمہیں سن ماہی رات پئی گھر مڑوا چکوے وانگ دوہاں دے دل نوں رات پئی دن چڑھ دا ویکھن نین نیناں نوں جس دم سرد ہووے دل سڑدا ہاشم حال ایہو جس تائیںناگ برہوں دا لڑدا
دورو دورجدا وچ لوکاں ریہن دونویں چپ کیتے ویلے نال دو نویں دکھ پھولن روز جیویں جیؤں بیتے استاکار برہوں بن سوئی جوڑ دونویں دل سیتے ہاشم ویکھ جہانوں چوری ریہن دونویں مدھ پیتے
رکھن بھیت لوکائی اپناں رات دنے ایہ چالا اک اک روز لنگھاون کر کے حیلا لاکھ حوالا خالی دست دلاں وچ پردے نام جپن پھڑ مالا ہاشم عشق مہاں جگ خونی لکیا ریہن نہ والا
چرچا آن ہوئی سبھ تھائیں ہر اک بات چلاوے جس تھاں بات کرن دو رل کے بات سوہنی ول آوے باتاں جگت پرائیاں کر کر جیواس دا پرچاوے ہاشم تاپ نہ ریہندا لکیا آفت کون لکاوے
