Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سوہنی مہینوال >> سوہنی مہینوال: بند٥٦ - ٦٠

سوہنی مہینوال: بند٥٦ - ٦٠

ہاشم شاہ
January 18th, 2008
2 / 5 (1 Votes)

کھلی آن زبان جہانی چرچا روز سوائی
مہینوال سوہنی دا عاشق لگی کہن خدائی
رل کے بہت بخیلاں چغلاں آتش پھوک مچائی
ہاشم باپ سوہنی دے سنیاں خویش قبیلے مائی

سن کے بہت ہویا شرمندہ تلا باپ بیچارا
کردا شرم حیا جہانی سبھ تھوں بہت پیارا
خوبی شرم سبھی جگ ڈھونڈے قسمت نال نہ چارا
ہاشم شرم کہی گھر جس دے کردا عشق پسارا

رل گھمیار پئے تدبیریں دور کرو ایہ پالی
آکھن لوک جیہٹری گل سانوں ہوگ کویں ہن خالی
آفت آن وڑی گھر ساڈے کون زمانے والی
ہاشم لاکھ کرن تدبیراں قسمت ٹلے نہ ٹالی

مہینوال تائیں گھمیاراں صاف جواب سنایا
تیرا تھاں نہیں گھر ساڈے جا میاں جت آیا
روشن چا
کیتو جگ سانوں تار بنے تدھ لایا
ہاشم نمک حلال کیتوئی خوب اساں سکھ پایا

ڈھوراں وانگ گھروں چا تاہیا جا میاں ہو تردا
ملیا دیس بداوا عاجز تریا ہو آزردا
لہو ماس لیا چر برہوں حال برے جیؤں مردا
ہاشم کون مٹاوے اس نوں لیکھ لیا لکھ دہر دا


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels