Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سوہنی مہینوال >> سوہنی مہینوال: بند٦١ - ٦٥

سوہنی مہینوال: بند٦١ - ٦٥

ہاشم شاہ
January 18th, 2008

سوناں صاف پیا کٹھیالی تا لگے تیؤں چمکے
جئیوں تلوار اصل فولادی صقل ہووے تے دمکے
آتش تیز تویں تئیوں ہندی واؤ لگے اٹھ رمکے
ہاشم جان عشق دا جوہر خوار ہووے تیؤں بھمکے

مہینوال نتھاواں دکھیا عاجز بھین نہ بھائی
کیتا عشق نشاناں اس نوں تیر انداز لوکائی
آہا روز پیا وچ ببتا مگروں ہور تباہی
ہاشم آن عشق دی اس نوں ویکھ ذرا ہن آئی

آکھیں یار نہ آوس نظری قہر نزول وچھوڑا
کردے آن بیدرد مزاخاں کرن دکھاون پھوڑا
تازہ عشق پہنایا اس نوں ہور سنہری جوڑا
ہاشم نام دہراون عاشق سول سہن کیوں تھوڑا

صبر آرام نہ آوس کدھرے رہے ہمیشہ پھر دا
پھٹریا آن اندھیرے برہوں دیوا عقل فکر دا
خفیہ عشق سوہنی دا آکھن تیویں مرد شہر دا
ہاشم عشق کھلارے اس نوں خطرہ خوف نہ سر دا

ہویا وانگ نتھور پرانے رخم گیا دھس دل دا
طعنے مار گلی جس جاوے جگت ودھیرا چھلدا
چھڑیاں لاکھ بلائیں اس نوں کویں آرام نہ ملدا
ہاشم گھاہ عشق دا ظالم ملیاں باھجھ نہ ملدا


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels