چوری رات سمیں جس آوے اس نوں مار گواؤ ویکھے عقد نکاح سوہنی دا تور بلے جھب لاؤ بد اولاد بری ایس کولوں اپناں آپ بچاؤ ہاشم شرم رہے جت ویلے شکر کرو لکھ پاؤ
سی اک ہور قدیم سوہنی دی محرم راز سہیلی ذاتوں بھین شریک گواہنڈوں وس دی اکس حویلی جو کجھ چال گنی گھمیاراں سن کے اوس اکیلی ہاشم آن کہے رب صاحب آپ تساڈا بیلی
سن کے بات سوہنی نے اس دی پھےر کہیا سن عالی جنہاں تان نہ تکیہ کوئی رب تنہاں دا والی پر توں ڈھونڈ کتے ول پھردا مہینوال خیالی ہاشم آکھ کویں جھب اس نوں چھوڑ بری ایہ چالی
جے توں پیر گلی اس آویں جان کویں نہیں رہسی جب لگ جان امید ملن دی کون مویاں مل بہسی بن کے بیٹھ فقےر کنارے پار ندی وچ وےہسی ہاشم یاد الہی کر توں سا رکدی رب لےسی
قابل کار سہیلی سن کے سخن شتاب سدھائی مہینوال تائیں گل ساری کر کے صاف سنائی عاشق پاس معشوق سنےہاں چڑنگ ککھاں وچ پائی ہاشم ویکھ شہر تھوں اس دی واگ نصیب اٹھائی
