دل وچ سوگ کوڑاویں ظاہر شادی آن جگائی جوڑاجان نہیں اوہ اس نوں کفنی موت پہنائی رل کے سخت دلاں وچ ڈولی مردہ تور چلائی ہاشم جان دلوںاوہ ڈولی عزرائیل اٹھائی
دتی نال جنیت سوہنی کر دوجا لوک بیگانے جیونکر چال قدیم جگت دی پوھتی جا ٹکانے سارس شگن کیتے رل نندن ساس جویں من بھانے ہاشم درد منداں دے دل دی کون بناں رب جانے
پھر ٹر بیٹھ سوہنی گھر ماپیاں رکھ دی جان ورائی ساہور لوک بیددر بیگانے کٹھن کٹھورقصائی صاحب درد نمانی عاجز قےد بری وچ آئی ہاشم ویکھ نصیب سوہنی دے بال چخہ وچ پائی
کھاون پین سوہنی تھوںآہا ہٹیا گیا چروکا اپناں آپ لگی اوہ کھاون ملیا عشق جدوکا بندی وان ہویا ہن ملیا گرد ودھیری ہوکا ہاشم ویکھ احوال سوہنی دا عشق برا ایہ لوکا
مہینوال سنی ایہ برتھا خلقت جا سنائی جیونکر تور دتی ہور اس نوں جال دکھاں وچ آہی ہر اک سخن لگا تن عاشق برچھی سان چڑھائی ہاشم چڑنگ ککھاں وچ آہی مگروں پھوک مچائی
