کھاناں خوب دوجا بھکھ چر دی دستیں یار لیایا جان طعام بہشتی اس نوں صدق پچھے ہتھ آیا یا اکسےر ملی دکھ بھین سبھ سکھ ما ر گوایا ہاشم جان غنیمت ملناں یار ملے سکھ پایا
نبڑی رات پیا وچ دل دے خطرہ خوف ہجر دا مہینوال ہویا مڑ راہی سہندا سول فکردا تریا پھیر سوہنی نوں مل کے ملیا گھاہ جگر دا ہاشم عیش عشق وچ ایہو ویکھن وصل ہجر دا
روندا حال برے وچ تریا منگدا موت خداؤں گڈیا وانگ ہویا تن اس دا اڈدا باھجھ ہواؤں پہتا آن ٹکانے اپنے کٹےا پار جھناؤں ہاشم جان کوئی دم اس نوں بچیا ایس بلاؤں
پھڑیا رات سمیں ایہ پیشہ چیر ندی نت آوے خاطر یار کباب ہمیشہ کر کے خوب لیاوے دھر کے جان تلی پر اپنی اتنی کار پچاوے ہاشم آن عشق اس دے دی یار ولوں رہ آوے
لاہنگا آن ندی پر پایا اک دن ساتھ لبانے مچھلی پھڑن نہ ہویا ہرگز اوھدر رہ مہانے مہینوال رہیا کر حیلے مچھلی پکڑ نہ جانے ہاشم آن بنی اس مشکل عاجز مرد نمانے
