عادت روز کباباں والی مشکل ہوئی حقیروں اوکھی کار بنے کس حیلے عاجز لوک فقیروں کیتے اوس کباب نہایت اپنے چیر سریروں ہاشم عشق ہوے جھب ثابت کامل صاف ضمیروں
تریا پھیر سجن ول صادق رات سمیں نہیں تر کے گھائل جان دوجا تن گھائل پارہویا مر مر کے اک اک پیر دہرے چک دکھیا لاکھ مناں ہٹھ کر کے ہاشم آن ڈٹھا دلبر نوں جان اُتے دکھ جر کے
ملیا جا شمع پروانہ نال دکھاں دل گھر دے کھوھل کباب دہرے اُن عاشق پھیر اگے دلبر دے دویں چور دُکھی اوہ جاگن ستے لوک شہر دے ہاشم نال دکھاں دن جالن عاجز گھاٹ نہ گھر دے
الفت نال کباب سوہنی نے توڑ ذرا مُکھ پایا قاتل شور مزا اس کولوں تیز جیہا کجھ آیا مہینوال کولوں ایہ پُچھیا دور کباب ہٹایا ہاشم کون بری اج آفت مار کباب لیا یا
سوہنی خیال پئی اس کولوں چاہے بات پچھائی عاشق لوک معشوقاں کیونکر رکھن بھیت چھپائی صورت حال لبانے والی کر کے صاف سنائی ہاشم ہور حقیقت تن دی ظاہر کھوھل سنائی
