Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سوہنی مہینوال >> سوہنی مہینوال: بند٦٦ - ٧٠

سوہنی مہینوال: بند٦٦ - ٧٠

ہاشم شاہ
January 18th, 2008


مہینوال ملے بن مردہ کون میلی اوس میلے
پاشے ہار دتی اوہ کچرک چال عقل دی کھیلے
لوں لوں درد وچھوڑے والا لاٹ بلے بن تیلے
ہاشم ایس دلاں دے صاحب کوک سنی اک ویلے

اکھیں یار دسے جس حیلے حکمت ہور بنائی
لاوے رنگ بھبوت اندھیرے جاوے کرن گدائی
پہنچے اوس گلی ہر حیلے اپناں آپ لوکائی
ہاشم رات نہیں دن اس نوں دیوس یار وکھائی

عاشق یار سجن دے کارن جان تلی پر دھردا
گھایل سانگ سسی دا کرکے اوس گلی نت پھردا
اک اک شیر بچہ گھمریٹا ظالم دشمن سر دا
ہاشم ہوس سدا رب راکھا رات دن دھر دھر دا

مہینوال تاہیں دن گندے روز گیا شب آئی
مانگن خیر فقیراں وانگر صورت جا وکھائی
قدرت نال سوہنی اوس ویلے پاون خیر لیائی
ہاشم درد منداں دے دل دی صاحب آس پوچائی

سوہنی آن کہیا لے بھچھیا نازک طور زبانوں
سن کے تیر لگا دل عاشق تازہ تیر کمانوں
مہینوال زمین پر ڈگیا گزری ہوش جہانوں
ہاشم ویکھ رہے کد ثابت چمکی تیغ میانوں





Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels