پچھلی رات سوہنی مڑ آئی کر کے خوف اندیشہ اوسے طور طرح اوس ویلے پہنچی پار ہمیشہ آوے چھوڑ گھڑا وچ بیلے روز سپاہی پیشہ ہاشم عشق اجیہی آفت سمجھ میاں رگ ریشہ
گھر دے لوک مہاں ہتیاری گرد رہے نت گھیرا بیلے شیر بھگیلے بولن شوہ دریا اوکھیرا سوہنی پھیر ملی دلبر نوں پہنچی سج سویرا ہاشم چور کرے نت چوری ظاہر ہوگ اگیرا
راتیں پار ندی تر جائے لکھیا پھیر حسوداں خاص الخاص ہووے سر ویری فکر کیتا مردوداں صحبت نال خراں دن راتےں سو گھمیار گدوداں ہاشم درد منداں دے دشمن مر سن نال عموداں
رل مردود پئے تدبیریں ایس نوں مار گواؤ مویاں باھجھ نہیں اہ ھٹدی سو دکھ سول سہاؤ ذمے خون لوہو نہیں اپنے اپناں آپ بچاؤ ہاشم حکمت نال سوہنی نوں روڑھ ندی سکھ پاؤ
کر معلوم اوہناں جس جاگہ رکھدی گھڑا لوکایا پختہ پکڑ لیا اوس تھاؤں خامی چا ٹکایا دردمنداں دے نال بےدرداں رل کے دغا کمایا ہاشم دوس کسے وچ کیہا لیکھ لکھےا ہتھ آیا
