Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سوہنی مہینوال >> سوہنی مہینوال: بند ١٣٠ - ٥ ١٣

سوہنی مہینوال: بند ١٣٠ - ٥ ١٣

ہاشم شاہ
January 18th, 2008




اوسے وقت ہمیشہ والے پھیر سوہنی اٹھ دھائی
آئی رات شہادت والی جو وچ لیکھ لکھائی
تا تقدیر گئی لکھ آفت ستی جا جگائی
ہاشم روز سسی دے تھل دا رات سوہنی سر آئی

کافر پوہ مہینہ ظالم گھتے ورف غباری
آیا مینہ ہنیری رل کے آفت ہور نیاری
ہاتھی شیر وڑے وچ کھوھاں ڈردے جان پیاری
ہاشم پیر پچھاہاں نہ دھر دی پھیر دلوںنہیں ہاری

واحد جان سوہنی وچ بیلے آن بلائیں گھیری
زورو زور دوہاں لڑ جوڑے رل کے مینہ اندھیری
چاون شیر دلاں کجھ مستاں اک اولاہنگ اوکھیری
ہاشم مہینوال ملاوے کوک سنے رب میری

دکھاں ویکھ سوہنی نوں پھڑیا ڈھوند تمام جہانوں
اچن چیت کئی لکھ آفت آن جڑی آسمانوں
برسن مینہ گھڑی وچ گولی چھٹن تیر کمانوں
ہاشم شام گٹھاں وچ بجلی چمکی تیغ میانوں

ڈٹھی بہت بری جد آفت سوہنی سخت قہر دی
بختاور صدق دا پھرداپکڑی ڈھال صبر دی
پیرو پیر کرے ہٹھ دل دا پیر پچھاں نہ دھر دی
ہاشم ہور کوئی وچ دل دے سوچ وچار نہ کردی



Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels