Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سوہنی مہینوال >> سوہنی مہینوال: بند١٣٦ - ١٤٠

سوہنی مہینوال: بند١٣٦ - ١٤٠

ہاشم شاہ
January 18th, 2008

رل کے شام گھٹاں وچ بادل گھریا آن چوپھیرا
جشی ہور کئی وچ زنگی آن ڈیہے گھت گھیرا
آپناں آپ دسے نہیں ہر گز قہر نزول وچھوڑا
ہاشم راہ عشق دے جاون مشکل بہت اوکھیرا

خونی شام گٹھاں وچ بجلی چمکی نال مروڑاں
گویا توف تفنگ زنبورے چلن لاکھ کروڑان
کنبے تخت زمیں دا تھر تھر سہن پہاڑ نہ توڑاں
ہاشم پھیر نہ مر دی ہر گز موڑے کون اموڑاں

پایا زور اندھیری بارش ہون جہاز آپٹھے
پٹ پٹ رکھ سنے جڑ مولی چا کتے ول سٹے
آدم کون پہاڑوں اڈ اڈ جاہن ولایت وٹے
ہاشم صاحب صدق نہ ہوون کیونکر پھیر اکٹھے

بارش نال ہوئے پر خانے کل جگ ان اوچھلے
کیڑے سپ اٹھوہیں نےول آن زمیں پر ملے
دانو دیو سمیںاوس اوتھے ہر گز پیر نہ ہلے
ہاشم نال یقین سوہنی نے ویکھ اوہ دن جھلے

بولے نال اندھیرے بیلا گردے حال بھلیرے
زہری ناگ اٹھوہیں شوکن بھکھدا سار چوپھیرے
نےتر ڈنگ جنہاں دے لشکن لاٹاں بلن اندھیرے
چانن اوس دھرے اوہ ہاشم چک چک یر اگیرے




 





 


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels