Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سوہنی مہینوال >> سوہنی مہینوال: بند١٥٠ - ١٥٥

سوہنی مہینوال: بند١٥٠ - ١٥٥

ہاشم شاہ
January 18th, 2008




کچی پیر سنبھال نہ دھرےا شیر پیتا اوس کچا
کچی ویہن پئی جا کچے اوس تلا وہاجیا کچا
ہن جس جا گھتے ہتھ کنڈھے سو ہتھ نہ آوے کچا
ہاشم سوہنی جان گوائی پر پریم نہ کیتا کچا

اٹکی پلک رہی اٹکائی عقل دتی بد راہی
بھلکے آن ملےساں کیویں اج کرئیے جان کوتاہی
پر اوہ عشق نہ مڑنے دیندا سو سرباز سپاہی
ہاشم عشق عقل دا دشمن دیہن قدیم دہائی

ایدھر عشق سوہنی نوں آکھے صدقوں ہا ر نہ مولے
صاحب صدق سوئی کر لکھیا خوش ہو موت قبولے
جن کن جان بچائی مرنوں مطلب لیا نہ مولے
ہاشم ہار نہ صدقوں مولے ہوگ بھلا ات سولے

سوہنی سمجھ ڈٹھا وچ دل دے خوب نہیں ہن ڈرناں
آفت، موت نہ مڑدی ہر گزاوڑک جد کد مرناں
تارو انت ڈبےندے آہے کچرک نیں وچ ترناں
ہاشم کارصدق دی ناہیں پیر پچھاہاں دھرناں

ثابت صدق سوہنی کر دہائی رہی نہ اٹکی ہوڑے
خونی وےہن قہر دےاں لہریں واگ پچھاں نہ موڑے
ایسی پریت سجن ول جوڑی آس جیون دی توڑے
ہاشم صدق سوہنی دے اتوں وارے مرد کوارے






Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels