Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> سوہنی مہینوال >> سوہنی مہینوال: بند١٨٠ - ١٨٥

سوہنی مہینوال: بند١٨٠ - ١٨٥

ہاشم شاہ
January 18th, 2008


نہ کجھ دوس گھڑے گھمیاراں خلق پئی سب سچی
کچے ہوئے نصیب تتی دے چال پئی سبھ کچی
دھکھدی چڑنگ چرکی آہی آن نہایت نچی
ہاشم دوس کسے وچ کہیا آپ بری گل رچی

کچھو مچھ کوئی جلہوڑا سنیؤں برا خدائی
مہینوال فقےر نمانے دیو سنہیا جائی
سوہنی ڈب موئی ہن تیری کریں امید نہ کائی
ہاشم لیکھ جویں کجھ لکھےا بیت گئی سر آئی

تبلگ رہی ترےندی سوہنی رہی حمایت بختوں
الٹے بخت ہوئے جد اوس دے چا سٹائی تختوں
میوہ توڑ جناور کھڑا ٹٹا ساک درختوں
ہاشم کہو کس نے سکھ پاےا کافر نہیہ کم بختوں

لمیں ویہن رہڑی کر ودیا سجن ساس پیارے
لوں لوں پھےر موئی بن جانوں مہینوال پکارے
سوناں چا کرے رب خاکوں اس سے راہ نیارے
ہاشم ہو قربان جنہاں دے ثابت سانگ اتارے

سوہنی مول نہ تردی تر کے خوب تری ڈب مر کے
ہوئی شہید سسی جد مریا کھوج اتے سر دھر کے
تاں مشہور ہویا پروانہ جا مویا ہٹھ کر کے
ہاشم کوئی نہ منزلے پہنچا جان ولوں ڈر ڈر کے




Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels