Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> دوہڑے >> دوہڑے

دوہڑے

ھاشم شاہ
February 26th, 2008


ہاشم نام رکھا یا اس نے اک دمڑی پاس نہ جس دے
عاجز حال احوال نہ کوئی کیہ وصف سنائیے تس دے
تن پنجرا دل گھائل زخمی اتے نین بھرے نت دس دے
پر ہاشم نوں حشمت ایہو ہور کرم ونڈائے کس دے

مرمر لاکھ گئے نہیں سمجھے وچ جھنگ سیال شلیتے
ہیر جہان سوتی جگ جانے جد بنے اناتھ چکیتے
پارس عشق جنہاں نوں ملیا اہدی ذات شکل سبھ بیتے
ہاشم ہیر بنی جگ ماتا بھلا کون کنگال جٹیٹے

پہلاں عشق گیا جس ویہڑے اوہدی سبھ جڑھ مول گواوے
جیؤں باغبان سنے کٹ بوٹا اتے بھی سردار لگاوے
قسمت نال ہووے مڑ ہر یا نہیں مول سکے جرھ جاوے
ہاشم راہ عشق دا ایہو کوئی بھاگ بھری پھل پاوے

سندر سگڑ رسیلے رسیئے کئی کوٹ چگت وچ آئے
لکھ ہاتھی لکھ لشکر گھوڑے وچ ایس زمین سمائے
بل چھل خواب خیال وسیرا کوئی کاس پچھے بھل جائے
ہاشم کس جیون بھرواسے اسیں متراں چا بھلائے

سر سر رزق جنہاں دا لکھیا سوئی سر سر عمر لکھائی
نہ اوہ گھٹے گھٹائے مولوں نہ اوہ ودھے ودھائے
کر گزران اوتے ول جاسی مڑ پھیر اتے چت لائے
کیہ سر بھار پیا متراندے اہناں من توں چا بھلائے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels