Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> دوہڑے >> دوہڑے

دوہڑے

ھاشم شاہ
February 26th, 2008


اے گل میت نہ جان کسے نوں جیہڑا ویکھن آن کھلووے
اپنی غرض سبھی جگ پیاری سبھ توڑلیاں خوش ہووے
ہے اک درد تیرا بلبل نوں جیہڑی ہجر تیرے بہ رووے
ہاشم درد ہووے جس تن نوں سوئی نال تیرے بہ رووے

مجنوں ہو بہاں دن اکسے جے یار لیلی ہتھ آوے
کامل یار بے صدق عاشق نوں اوہ صادق چا بناوے
ناقص طبع محبوب جے ہووے کیہ عاشق عشق کماوے
ہاشم عاشق ہون سکھالا پر ہویا محبوب نہ جاوے

اے گل میت نہیں ایہ بوٹا توں نہ کر لاڈ اویہے
ایہ کپٹی سک گیا نہ مولے کئی توڑ لئے تدھ جیہے
رو پیارے بلبل گل مل کے کد ملسن یار اجیہے
ہاشم شاہ اشراف کمینہ کو ات بدھ آن دسیوے

عشقا لکھ اوگن وچ تیرے کوئی اک دو چار نہ پائے
اک گن ہے ایسا وچ تیرے جن سبھ ایہ عیب چھپائے
جتول دھیان کریں نہیں ہٹ دا بن مطلب سر پہنچائے
ہاشم ایس پچھے دل گھایل تیرے ہو غلام وکائے

یار کر ہار سنگار پیارے سکھ ناز نیاز زنانے
یا بن مرد فتح کر دشمن گھت سر وچ خاک میدانے
یا کر صبر فقیری پھڑکے چھڈ حرض ہوا جہانے
ہاشم کیہ خوش ہون پیارے بھلا ہمت ویکھ بیگانے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels