Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> دوہڑے >> دوہڑے

دوہڑے

ھاشم شاہ
February 26th, 2008


جیؤں جیؤں بخیل چوفیرے پھر دے اتے زور پیا جگ لاوے
تیؤں تیؤں درد ہووے نت پختہ اوہنوں اوکھد وانگ سوکاوے
تیرا درد میرے وچ سینے میری جند جاوے تد جاوے
ہاشم ملن حرام تنہاں نوں جیہڑا دکھ تیرے دکھ پاوے

وارث بن بیٹھے جو آہے اتے ایس سہاوے گھر دے
اوڑک دیس نکالا ملیا گئے ہاتھ متھے پر دھر دے
سنبھل سیس گنداویں موئیے کوئی پتیت نہیں اس در دے
ہاشم ہوئی سہاگن ورلی اتے تان رہے سبھ کردے

دل یار فراق دے میرے وگدے نین پھوہارے
دل دا خون وگے وچ رلیا جیہڑے چمکن سرخ ستارے
آتش باز پریم بنائے پھلجڑیاں نین بیچارے
ہاشم خوب تماشا بنیاں ہن لائیق یار پیارے

وار سٹاں میں میں ہن لوکا جنہاں رانجھن کھڑیا بیلے
ندیاں نالے تے بشیر کالے اتے بیلے شیر بگھیلے
اکھیں یار دسے گھر آوے بھیڑی رات پوگ کس ویلے
ہاشم مان حیاتی میری رب چاک سلامت میلے

ندیاں تیر رہن نت تارو اوہ کدی نہ ہوون ہلکے
جو جل اج گئے اس راہیں اوہ پھیر نہ آون بھلکے
اینویں رہگ جہان وسیندا پھیر اسیں نہ یہساں رلکے
ہاشم کون کرگ دلبریاں ایس خاک مٹی وچ رلکے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels