سیونی مغرور نہ ہویوں تساں کیوں گھر با بھلائے پالے لاڈ لڈاون سانوں پر کارن دین پرائے ایہو چھوڑ گیاں کل ویہڑا جنہاں جا گر ہو بنائے ہاشم جان ڈھونڈاؤ ساڈی کوئی اج آئے کل آئے
جس نوں طلب ہووے جس دل دی نہیں ہٹ دا لاکھ ہٹائے تسدے باھجھ نہوس تسلی بھانویں سوکر گیان سنائے مجنوں باھجھ لیلی خوش ناہیں بھانویں رب نوں جا ملائے ہاشم جان مراد عاشق دی اوہنوں اکھیں یار وکھائے
میگھو لیاویں بھاگی بھریا تدھ اوھجڑ دیس وسائے بھلکے پھیر کریں جھڑ اینویں میرا پیا پردیس نہ جائے کیہ اسباب اجہے ملن کوئی قسمت آن ملائے ہاشم جان ملن دا لاہا پھیر وچھڑے کون ملائے
بید کتاب پڑھن چترائی اتے جپ تپ سادھ بناوے بھگوے بھیس کرن کس کارن اوہ من دا کھوٹ لکاوے مورکھ جا وڑے اس ویہڑے اتے اوکھد جمن گواوے ہاشم دکھ نصیب جنہاں دے سوئی درد منداں نوں آوے
کون قبول خرابی کر دا پر لیکھ خراب کراوے کس دا جیؤ نہ راج کرن دا پر قسمت بھیکھ منگاوے اپنے ہاتھ نہ سول سہی دی پر سولی لیکھ سہاوے خوش ہو ویکھ صبر کر ہاشم تینوں جو کجھ لیکھ وکھاوے
