Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> دوہڑے >> دوہڑے

دوہڑے

ھاشم شاہ
February 26th, 2008


دن وچ لاکھ کروڑ چلاون اوہناں ترکش تیر نہ مکدے
خونی ذات محبوب سپاہی جیہڑے چوٹوں مول نہ اکدے
عاشق جان تلی پر دھر کے پھیر پچھاں نہ چکدے
ہاشم پھیر لہن پر عاشق سوہنے رہن ہمیشہ لکدے

صدق ملاح سمدر تارے جتھے پنچھی پار نہ ہووے
جس جا تھاؤں مکان نہ ربدا تس جا حضور کھلوے
اوڑک مل پوے جہڑا موتی نت مثرگاں نال پرو وے
ہاشم تاہنگ ہووے جس دل دی اوہدی جد کد حاصل ہووے

جس دا درد تسے ہتھ دارو ہور کون طبیب گنواوے
کوک دلا کوئی قہر دی مت صاحب جے سن پاوے
مدتاں گزر گئیاں مکھ ڈٹھیاں میرا دلبر نظر نہ آوے
ہاشم ہوگ کوئی دن ایسا میرا دلبر لیے کلاوے

کس کس طرف نہیں پھر دا اتے کیہ کجھ زور نہ لاوے
پل وچ لاکھ کروڑ دلیلاں اک ڈھاوے ہور لیاوے
پرت قدیر ہووے جد الٹی اتے کوئی پیش نہ جاوے
ہاشم نال حمایت ازلی ہر اک چتر کہاوے

دلبر یار مہورت کرلے اج نال اساں مکھ ہس کے
بجلی روز ناہیں جھڑ ہووے اتے میگھ سمیں وچ لشکے
جان مڑ پھیر جوانی آوے اتے جیوے من دس کے
ہاشم جان غنیمت ملناں مل نال اساں ہس رس کے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels