توڑ زنجیر شریعت نسدا جد رچدا عشق مجازی دل نوں چوٹ لگی جس دن دی اساں خوب سکھی رند بازی بھج بھج روح وڑے بت خانے اتے ظاہر جسم نمازی ہاشم خوب پڑھایا دل نوں ایس بیٹھ عشق دے قاضی
دلبر دام وچھا زلف دی وچ چوگ حسن دی پائی ویکھ خوراک جناور دل دا اوہ جا پیا وچ پھاہی ہے کت حال غریب بچارا مڑ دل دی خبر نہ آئی ہاشم مڑن محال تنہاں نوں جنہاں نوسربازی لائی
چاکا وے مت چاکاں والی تیری ویکھ لئی چترائی ایہو عشق کماون سکھیوں اتوں رنگ بھبوت لگائی آ ایہ نامراداں والی تینوں کن ایہ چال سکھائی ہاشم آکھ رانجھن نوں مل کے میں واری گھول گھمائی
اج اس رزق بھلے چھب بانکی تینوں آکھن لوگ اتاری جے سر درد ہووے جگ سارا تیری آن کرے دلداری اے دل جان نہیں بن اینویں تیری ترسی کار گزاری ہاشم ہوگ خواری بھلکے توں نہ کر حرص پیاری
جت واس قدیم کمینہ کیتا بھیڑا پھریا سوگ اداسی قسمت آن ستی نہیں سمجھے پھر کت ول ٹور لے جاسی چاوڑ چا مسافر کہیا جیہڑا آن لتھا شب واسی ہاشم سمجھ نہ کر توں دعوے مت ہور پوے گل پھاسی
