Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> دوہڑے >> دوہڑے

دوہڑے

ھاشم شاہ
February 26th, 2008


تن ٹٹدا من تپدا مائے مینوں اکھیں پیٹر ویکھن دی
اک پل سہن وچھوڑا بھاری کہی پیا بان ملن دی
ایہو درد عبادت میری ترسن جلن بلن دی
ہاشم ہوگ قبول تداہیں جد پھرگ دلیں سجن دی

میوے دار درخت میوے دے جد دل نوں حرص نہ کائی
خاطر اوس پیا اس جھکناں سر بھاری پوت اٹھائی
سرو قبول نہ کیتا میوا اوہنوں حرج مرض نہیں کائی
ہاشم حرص لگانہ کائی اتے سرو ہو جا اوہ بھائی

پچھ پچھ ہوے نہ بپتا مولے اتے پچھ پچھ ہون نہ روگی
لکھیا لیکھ کرے سرگرداں کیا جوگی کیا بھوگی
سوکس طور بنے سکھیارا جس لیکھ لکھایا سوگی
ہاشم لیکھ بناوے سوگی اتے لیکھ بناوے جوگی

چڑھیا چا پپئیے سن کے اتے ساون دی رت آئی
ترسن کھپن اتے دکھ پاون ان سکدیاں عمر گنوائی
نیڑے بھال پیا دلبر دی اوہنوں چمکے چمک سوائی
ہاشم کیہ ایہ مان ملن دا جس دسدی پھیر جدائی

ساجن طوق زنجیراں باھجھوں جند کر دے قید سوائی
جس دے بھاگ نصیبوں جاہن سو پیندا نیند پرائی
لکھ لکھ عیب ملن وچ اٹھدے سر تہمت ویر جدائی
ہاشم عشق خراب کریندا اتے وسدی لاکھ لوکائی


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels