Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> دوہڑے >> دوہڑے

دوہڑے

ھاشم شاہ
February 26th, 2008


ہن توں آؤ نہ آؤ اساتھیں کوئی آپے آن ملیسی
جس دن موت کھڑگ وچ قبرے سر سو من بھار پولیسی
تسدن کریں قبر ول پھیرا تیرا راہ شہید تکیسی
ہاشم ہوگ اسان تساڈا میرا ہر دم شکر کریسی

تاہیں رہی کچجبی کملی میں جائے کراہیں وتی
کیونکر کہے نہ ساس اسانوں نت آویں آوت نکھتی
کڑیاں داج بنائے لیوئی میں چرغے تند نہ گھتئی
ہاشم کونت وساون پیسی میں ہوواں لاکھ کپتی

چور چرا لیا دل میرا ایس چیٹک چور طوفانی
در در پھراں دیوانی ڈھونڈاں لوک آکھن پھرے دیوانی
جس نوں جا پچھیں سوئی کہسی بھیڑی پھرے خراب دیوانی
ہاشم خواب اساں نال کیتی تیرے عشق اتوں قربانی

جبلگ ملے نہ تینوں جاگہ میں ہیر آہی البیلی
ہن میں چور ہوئی جگ سارے میرا تیں بن ہور نہ بیلی
چاکا چاک میرا دل کرکے ہن مت جا چھوڑ اکیلی
ہاشم دین الاہماں ماپے ہوئی ہیر رانجھن دی چیلی

سسی پلک نہ ہسی رسی جیہڑی کٹھی تیغ نظر دی
سن لوکا کوئی میرا ہوکا میں مٹھی نیند فجر دی
ہائے میں مر جاندی جمیں کیوں سہندی سول ہجر دی
ہاشم لیکھ سسی دے آہے ایہو قسمت قہر دی


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels