Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> دوہڑے >> دوہڑے

دوہڑے

ھاشم شاہ
February 26th, 2008


وگ وائے جا تخت پزارے ول جائیں برا خدائی
ہیر نلاج نمانی ول دا کوئی دیئیں سنہیا جائی
دو دن چار مہیں میاں رانجھا تدھ کیتی بہت کمائی
ہاشم سار دکھاندی جانے جنہاں ون ون چوٹ سوائی

دلبر یار نہ دوس نسانوں کیہ کرئیے صفت تساڈی
ملے تنبیہ گناہاں موجب ایہ سبھ تقصیر اساڈی
منصف درد منداں دے ناہیں ایہو بان تساں وچ ڈاھڈی
غیرت تیغ جنہاں دی ہاشم کیوں ڈھونڈن تیغ فولادی

پیرے لاج سیالاں لاہیا تدھ یار بنایا پالی
چوبر کرن مزاخان تینوں اوہ ہور چکیئے والی
ہیر قدیم اوہ ای وے لوکا اتے میں کدوں لج والی
رانجھا عیب چھپاوے ہاشم میرا دین دنی وچ والی

کرے خراب فقیری تائیں ایہ دانش دور اندیشی
چشم پر آب جگر پر آتش ایہ صرف دونویں درویشی
نیند حرام خوشی وچ سفنے ایہ رہ طریق ہمیشی
بنے فقیر تاں سمجھے ہاشم ایہ رمز قلندر کیشی

ڈٹھی قبر سکندر والی اوہ خاک پئی چپ کیتی
اکھیں میٹ تاہیں کجھ دسا تدھ کون صحیح کر جیتی
ہنسے ہوت نہ آہی سسی اوہ خواب آہی ہو بیتی
ہاشم آکھ سجن کس بدلے بھلا بنے بیدرد انیتی


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels