بولے گانگ سویر پچھاتی اتے شور کیتا بن موراں سورج شمع جگت دی ہویا اتے پیا اندھیرچکوراں خوبی حس اتے گل ناہیں وس ہور دلاں دیاں ڈوراں سادہاںنال نہ مطلب ہاشم جنہاں غرض بنی سنگ چوراں
ویکھ چکور کہیا ایک منصف تینوں مورکھ کہاں سیاناں او چاندا پر تھوی پت راجہ توں پنچھی لوگ نماناں کہیا چکور نہیں توں محرم ایس رمزوں جا انجاناں ہاشم راج نہ دسدا مینوں میں یار جانی کر جاناں
ایہ افسوس رہگ دل میرے تے جاگ نہ کدی کداہیں دلبر تے ہتھ دل میرا لے میری قدر پچھاتو سو ناہیں بے پرواہ شناس نہ اس نوں یا میں کجھ ہوگ گناہیں ہاشم ایہ گل قطع نہ کیتی بھرم رہیا من تاہیں
دلبر یار ندی دیاں لہریں ایہ سدا نہ رہن اتھائیں تینڈا عشق میری دلگیری کوئی لکھ ورہے تک ناہیں دو دن بھور گلاں دا میلا اتے آس امید سرائیں ہاشم پر کیہ دوس متر وچ جد لیکھ اساڈے ناہیں
رانجھا یار غریب ہیریدا اُن کن پڑوائے تائیں صاحب زور نہ عاجز ہندے اوہ زور کرن سبھ تھائیں اوہو عشق کمایا مرزے پر عاجز بنیوں ناہیں ہاشم عشق کنگالاں والا نت روون مارن آہیں
