عاشق اکھ ویکھاں کس خاطر نت چانی ماس سکاون چاہن حرف ہجر دا لکھیا اوہ کاغذ صاف بناون رک رک سوت پوے مسطر دا اتے ثابت قلم چلاون ہاشم عاشق ایس کتابوں نت سمجھ سلوک کماون
پارس نال ملے رنگ بدلے کرن عاشق صاف نگاہوں جس جا سیر کرن نت عاشق اوہ یار مکان فناہوں دلبر لکھ تصویر عاشق دی ہوویں محکم کوت پناہوں ہاشم پاک کیتے لکھ دفتر کرن عاشق پاک گناہوں
جے دکھ پریم تینوں ہتھ آیا ایس دلبر دی سر کاروں خوش دل ہر کر شکر خدا دا ہن بچیوں لاکھ آزاروں اک دکھ تھوں دلکھ جاہن ہزاراں ویکھ حاصل ایس پیاروں ہاشم شاہ دکھ ڈھونڈ عشق دا ایس کامل پاس بزاروں
عاشق جید بے عقل نہ کوئی جن سمجھ سمجھ نت تپناں بید قران پرھے جگ سارا اوس نام جانی دا جپناں آتش لین بگانے گھر سی اتے پھوک دیون گھر اپنا ہاشم شاہ کیہ حاصل عاشقوں انویں مفت برے وچ کھپناں
راہی یار رانجھن نوں اکھیں کوئی حال اساڈے دردوں جچرک جوگ کمائے جے توں جاں تلی پر دھر دوں مرزے یار وانگوں دن اکسے یا ملدوں یا مردوں ہوشم شاہ اج جان بچاویں جاں توں نیؤں نہ کردوں
