Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہاشم شاہ >> دوہڑے >> دوہڑے

دوہڑے

ھاشم شاہ
February 26th, 2008


عشقا بال خچا وچ پاویں تاں میں انگ نہ موڑاں ذرا
مکھ موڑاں تے کافر تھیواں جے سیس دھراویں ارا
شوق شراب پلائےو مینوں ہن ہویا مست مقرا
ہاشم نہیں رہو ہن توہیں ہن میں وچ میں نہ ذرا

نہ بن شیخ مشائخ پیارے نہ پہن لباس فقر دا
بن گھایل مر دل دی پیڑے ایہ' توں دام مکر دا
توڑ خودی خود بینی نفسوں اتے چاکر رہو دلبر دا
ہاشم درد جگر وچ بوٹا کر گریہ نال پرور دا

چندا چمک وکھال نہ سانوں اتے نہ کر مان ودھیرا
تیں جہے لکھ چڑھن اسانوں پر سجناں باھجھ اندھیرا
جس ڈٹھےا دل روشن ہووے اوہ حسن نہیں اج تیرا
ہاشم ناھجھ تساں دلھ پایا جھب آمل ساجن میرا

گئی بہار خزاں دی آئی جھب آکدی گھت پھیرا
چریں وچھنیاں دے گل مل کے زور لگائےو تھوڑا
کرسی پےڑ کلےجہ دکھسی ہویا درد تیرے وچ پھوڑا
ہاشم ہون پیارے دشمن جیہڑے گھتن درد وچھوڑا

مائے بیٹھ اکھیں وچ ویکھیں مینوں چاک لہیا کجھ دسدا
بیلے مگر تنہاں دے چیرے جیندا نام نہیں پت کسدا
کھیڑے چھوڑ ماہی در پائیو کوئی شان لگاس نہ جسدا
ہاشم پیڑ تسے تن ہووے کوئی گا دکھاوے جسدا


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels