تینڈا عشق قصائی وڑیا جن نال سولاں دل بھریا اکدن برس جیہا ہو بیتے میں عمر ولوں بہت ڈریا دلبر یار ڈ ٹھے مکھ تیرے میرا تن من تھیوے ہویا ہاشم راہ اڈیکے تیرا کدی آمل بھاگی بھریا
جس وچ چنگ برہوں دی پیاتس نال لہو مکھ دھوتا شمع جمال ڈٹھا پروانے آتے آن شہید کھڑوتا جاں منصور ہویا مد ماتا تد سولی نال پروتا ہاشم عشق اجیا جیہا ملیا جس دین مذہب سبھ دھوتا
تینوں حسن خراب کریندا اتے مینوں سمجھ ستایا جیؤں جیؤں آن حسن دی سمجھاں مینوں اٹھدا سول سوایا سمجھے درد ڈٹھے سبھ دکھیئے جنہاں سمجھ سمجھ دکھ لایا آتش سمجھ جنہاں وچ ہاشم اوہنا آپ جلایا
مشکل نیؤں نباہن ہویا دھر دھر لاکھ نہورا سر گٹھڑی لکھ کوس ٹکاناں ا ۤ تے تن وچ تنک نہ زورا دلبر یار نبی گل اوکھی مینون بہن نہ ملدا بھورا ہاشم نیؤں نہ لایؤ کوئی' کوئی دیوے شہر ڈھنڈورا
مدت حرص جہانے والا میں دل وچ باغ لگایا اوڑک باغ ہویا پردردہ اتے نال گلاں سبھ چھایا جان میں مشک لیا ہر گل تھوں اتے بھیت چمن دا آیا ہاشم بے بنیادی والا مینوں مشک گلاں تھوں آیا
