کتھے شاہ سکندر دارا اتے جام گیا کت جم دا تھڑ کن دیو جناں دی تیغوں اتے دھول پیانت کم دا ڈھونڈیاں خاک تنہاں نہیں لبھدی اہ جگت برا گھر غم دا ہاشم جان غنیمت دم نوں بھلا کیا بھروسا دم دا
مورکھ لوک سدا سکھ سوندے اتے راز کماون پیسا نہ کجھ اوچ نہ نیچ پچھانن اتے پریم نہ جانن کیسا شا نج ہووے چترائی سانوں خوار کیتا تدھ ایسا ہاشم کاٹ پریم کریندا جس ہوش ہووے وچ جیسا
صاحب حسن ڈٹھے سبھ کھوٹے اتے کھوٹ کماون سارا پر ایہ موڑ رہے نہیں مڑدا بھیڑا مورکھ من ہتیارا ہٹھ تپ ویکھدیاں نس جسوے اوتھے جپ ست کون بچارا ہاشم حسن لا غضب دی پر اوڑک جھوٹھ پسارا
توہیں یار توہیں دکھدائی اتے درد دھکھے نت تیرا پرسوں آکھ لگائے برسوں اتے بیٹھ رہیؤں گھت ڈیرا قول قرار سنبھال پیارے اتے آکدی گھت پھیرا ہاشم باھجھ تساں سکھ ناہیں ہور وسدا ملک بتیرا
مینوں خبر نہیں دل میرا ایس جاگھ وچ وس دا اچرج ویکھ عشق نوں یارو بھلا کون کوئی جا دس دا نہ اوہ دام وچھائی وس دی جت جا میرا دل پھس دا ہاشم بہت دیویدکھ پیارا دل پھیر اتیول نس دا
