دولت مال جہان پیرا اساں ڈھونڈ لدھا اک پیارا سو بھی لوک نہ ویکھن دیندے جگ سڑدا ہانس ہارا دل وچ شوق بخیل چوپیھرے میرا ہوگ کویں چھٹکارا ہاشم آؤ ملاؤ رانجھا میرا سکھ دلدا دکھ سارا
اے دل ڈھونڈ پھرے جگ پایا پر ڈھونڈن بہت اوکھیرا بیجی داخ نہ ہوون کنڈے توں نہ کر ویکھ اندھیرا کر کجھ درد بےگاینوں دردوں مت درد کرے رب تیرا ہاشم ڈھونڈ کویں دم انویں اجے ہن بھی وقت بتیرا
نہ کر ہور علاج طبیبا مینوں فرق نیئں اک تلدا دارو سیک لگ جلجائے جد بھڑک اٹھے دکھ دلدا مائے مگر ہر ول عشق دا مینوں پلک ٹکاؤ نہ ملدا ہاشم شوق بتیر ا دل نوں پر ہر گز رزق نہ ہلدا
بدھ سدھ جن سمجھی کجھ تھوڑی سو کھاندا خون جگر دا جس نے لئی بہار وصل دی سو ہویا اسیر ہجر دا طوطی حسن کلام نہ سکھدی کیوں پنیدا دام پنجر دا ہاشم شاہ رس مول دکھاں دا جس رس بدلے دکھ مر دا
ثابت ہو جس درس عشق دے لیا صرف حقیقت والا ہو بیزار گیا سبھ علموں اتے تسبیح رہی نہ مالا نہ اوہ سگھڑ نہ مورکھ ہویا ان پڑیا پنتھ نرالا ہاشم زہد عبادت کولون ان مطلب لیا سو کھالا
