Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 414--418

ہیر مقبل 414--418

شاہ جہان مقبل
January 23rd, 2008

414۔
راجہ عادلی آکھدا ہیر تائیں رناں والیاں چھڈ حکایتاں نی
لج لاہی ہئی ماپیاں سوہریاں سی نشر ہوئی ہیں وچ ولائیتاں نی
نال جاہ توں اٹھ کے کھیڑیاں دے نہیں جاندیاںپیش عدالتاں نی
رو شرع دے کھیڑیاں پُہنچ دی ہیں مُقبل ویکھیاں کھول روایتاں نی
415۔
ہیر کھوئیکے کھیڑیاں نپ گدہی رانجھا دشمناں قید رکھایا اے
کھیڑے اُٹھ رانجھے نُوں چھڈ چلے راجے عدلی ایہ فرمایا اے
جوگی رکھناں کجھ صلاح نائیں کیتا اپنا ایس نے پایا اے
راجے عدلی تھوں رانجھا مقبلے نے بہت منتاں نال چھُڈایا اے
416۔
باہر جائیکے رانجھے آہ ماری راجے عدلی تے قہر مان ہویا
ربا بھا لگے ایس نگری تائیں پریشان حیران ویران ہویا
ایس عادلی راجے نے ظلم کیتا ربا عاقبت نُوں پریشان ہویا
مُقبل ہیر دے واسطے راولے نوں سارا شہر آباد ویران ہویا
417۔
پنجاں پیراں نُوں رانجھے نے یاد کیتا اوسدی ہوئی دعا قبول میاں
اوس شہر نوں بھڑک کے اگ لگی پانی گھتیاں بُجھے نہ مُول میاں
دردمند غریب دی آہ لگی عدلی راجے نوں ہویا سُول میاں
مُقبل جس دکھایا ہے شہدیاں نُوں اوسدا منیا بھاہ ہے سُول میاں
418۔
درد عدلی دا مُول نہ جاؤندانی مُلاں ویدسہنس بلاوندا اے
جیویں دارو تویں دین دارو کجھ نبض دا ہتھ نہ آوندا اے
دیندے نال فقیراں دی نظر کر کے صدقہ اوسنوں لکھ دیواندا اے
وچ طب دے مرگ دا ناں دارو مُقبل ظاہر آکھ سُناوندا اے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels