Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 409- 413

ہیر مقبل 409- 413

شاہ جہان مقبل
January 23rd, 2008


409۔
کہیا عدلی راجے نے رانجھے نوں پاپی ایہ کیہ پاپ کمایا ئی
کہے رنڈی دے لگ خراب ہویوں ہنج نڈھیاں ایہہ کیہہ آیا ئی
تینوں خوف خدائیدے چھڈیا میںتیری شرم رہی لکھ پایوئی
مُقبل کامدا مُول نہ وال رہے اللہ خوب تُساں سمجھایا ئی
410۔
کہیا عادلی راجے نُوں ہیر رانجھے کوئی مساح سچا لے کے مار سانوں
آکھے لگ کے اہناں حرامیاں دے ناحق نہ دیہ آزار سانوں
ساری مڈھ ورہیاں دی دوستی ہے آپ جان رب غفار سانوں
اساں مکے دے راہ نُوں جاوناں ہے جھب مُقبلا پار اُتار سانوں
411۔
کہیا عدلی راجے نے کھیڑیاں نُوں تسیں سنوں کیہہ آکھدی ہیر میاں
کھیڑے لالچی نے میرے حق رانجھا نڈھی خوب کہی تقریر میاں
شاہد اپنے قول دا تسیں لیاؤ کوئی جھب کرو تدبیر میاں
جھوٹھ چھڈ کے مقبلا سچ آکھو تائیں کراں معاملہ اخیر میاں
412۔
کھیڑے آکھدے ہیں ہیرے بولدی ہے بُری نار دا کجھ وساہ ناہیں
جوگی جیہا سروں ہوڑیا ائے اوسنوں عقل شعور دا راہ ناہیں
اساں سہرے بنھ ویاہ آندی اسی لالچی تے بد خواہ ناہیں
ساری خلق خدائیدی جان دی ہے کوئی پنج تے ست گواہ ناہیں
413۔
ہیر آکھدی رانجھے دے راجہ آج کل دامینوں نہ لایا ئی
میرے باپ دیاں مجھاں چار دائی میرے واسطے جگ سمایا ئی
زوراوری میں ماپیاں بنھ دِتی میں تاں اُچڑا کُوک سنایا ئی
مُقبل سہکدیاں سہکدیاںمساں چھٹے کرتار ہُن آن ملایا ئی


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels