Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 404-408

ہیر مقبل 404-408

شاہ جہان مقبل
January 23rd, 2008


404۔
رانجھا دس پیا اونہاں ظالماں دے جند رکھ فقیر نوں ماریونے
نہیں آوندا ترس حرامیاں نوں روز حشر دامنوں وساریونے
کسے آکھیا ہیر نوں چاء ماروسرے آن کے جھڑک اُتاریونے
گھر عدلی راجے دے مقبلے نوں نظر پاء فریاد پکاریونے
405۔
کہیا عدلی راجے نے نوکراں نوں لؤ خبر جو کہیا ایہ شور ہویا
درد مند نوں کسے دُکھایا سی نہیں کسے دا پُور ایہہ دور ہویا
بادشاہ نوں فرض ہے عدل کرناں ظلم دوزخی ہوئے کے کور ہویا
کوئی دست نہ چھڈدا زور لگے گھر جس دے مقبلا چور ہویا
406۔
نفراں دوہاں دھڑاں ول نظر کیتی جویں بکری ول نگاہ چیتا
ناہیں ہیر تے رانجھے نوں دھرت کائی دوہاں آسرا ربدا راہ چیتا
ہیر آکھدی رانجھے نوں جان میری جو کجھ چاہے رب تے چاء کیتا
پرواہ کیہ مقبلا عاشقاں نوں جنہاں پریم پیالڑا وَرھ پیتا
407۔
آکھو سچ کہی فریاد رسی راجے عدلی نے آکھ سنایا ئی
ایس جوگی نے کیہہ تقصیر کیتی ذمے ایس دے دوس کیہہ آیا ئی
نہیں دسداعاددا ایہہ جوگی ایس نواں ہی سانگ بنایا ئی
مُقبل ایس نوں بہت پھینٹ کرسی کوئی جس غریب دُکھایا ئی
408۔
آکھیا عدلی راجے نُوں کھیڑیاں نے جوگی نانہہ ایہہ ٹھیک سو چور میاں
مساں مساں ڈھونڈ بندیاں پگڑیا سی اہنیں آئیکے کیتا شور میاں
راتو رات لے نٹھیا ہیر تائیں ساڈا کجھ نہ چلیا زور میاں
مُقبل جھگڑا ویکھ نبیڑساڈا انجیں رکھ نہ معاملہ مور میاں


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels