Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 399-403

ہیر مقبل 399-403

شاہ جہان مقبل
January 23rd, 2008



399۔
تعویز سی رانجھے دا زور بھریا کاروان مراد بلوچ آیا
جھگی رانجھے دی سہتی توں آن ملیا نال شوقدے انگ سوانگ لایا
کیتی رب نے دوہاں دی آس پوری کیتا چوہاں نے اپنا من بھایا
مُقبل مثل مشہور ہے جگ سارے جن رُکھ لایاتنیں پھَل کھایا
ملاقات کردن سہتی بایار خود طفیل رانجھا
400۔
دل اپنے دا مقصود کر کے چوہاں بیٹھ کے متا پکایا ئی
ایتھے بیٹھنا کجھ مقصود ناہیں اُٹھ چلناں ہی بن آیا ئی
بیلی سہتی نوں پاء مُڑاد ٹُریا رانجھا ہیر نوں گھن کے دھایائی
رب چوہاں دا مُقبلا میل کیتا گھٹا دشمناں دے سرپایا ئی
401۔
فجر ہوئی تے اُٹھ باغ کالے سیدے خبر دے واسطے جاوندا ہے
دُھواں ہویا خالی جھگی سواہ ہوئی سیدا روندا کُرلاوندا جاوندا ہے
جھگا سہتی تے ہیر نے چوڑ کیتا سیدا مانوں نُوں آکھ سناوندا ہے
سانوں جیوناں ہن محال ہویا مُقبل لیکھ نہ میٹیا جاؤندا ہے
رسیدن رانجھا معہ ہیر بہ شہر عدلی راجہ
402۔
راتو رات ہی چیر دا جھل رانجھا پُہنچا راجے دے شہر میاں
پچھوں خبر ہوئی اوہناں کھیڑیاں نوں غصہ کھائیکے کر دے نے قہر میاں
مگردوہاندے سٹھ سوار ہوئے جویں تیزسمندر دی لہر میاں
مولے شہد پلایا سی مقبلے نُوں ہُن کھلوندے آپ ہی زہر میاں
403۔
مُراد تے سہتی نُوں ڈھونڈ تھکے مولے دوہاندا کجھ نہ پایونے
ہن ڈھونڈ کے مردیاں ہویاں نُوں آپ ہیر رانجھا دسّ آیونے
سروں لاہ کے پگ تے ہتھ مُشکاں پیریں گھت زنجیر چلایونے
ورم ولیدی لاہ کے ماپیاں نے مُقبل یار نُوں بہت دکھائیونے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels