Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 389-393

ہیر مقبل 389-393

شاہ جہان مقبل
January 23rd, 2008


389۔
سہتی آکھدی جائیکے رانجھنے نُوں اُٹھ راولا ہیر بلاؤندا ہیں
جس واسطے کن پڑوایائی سانگ جوگیاں دا بن آیا ہیں
گھر بار توں چھوڈ فقیر ہویوں آتش عشقدی کھڑاتپایا ہیں
میتھوں کون چنگیرڑی پیارڑی ہے گل جس نُوں آن لگایا ہیں
رفتن رانجھا ہمراہ سہتی بطرف ہیر
390۔
رانجھا سہتی توں ہیر دا نام سُن کے مشتاق محظوظ خوشحال ہویا
رانجھا مُل خریدیا بندیاں جی بے عذر سہتی دے نال ہویا
سہتی ہیر نُوں جاء ملاوندی ہے تدوں رب دا فضل کمایا
پیارے مقبلے نُوں ملی چراں پچھوں عاشق ویکھ دیدار نہال ہویا

391۔
ہیر رانجھے نُوں ویکھ کے خوشی ہوئی چاء مکھ توں گھُنڈ اتار دی اے
پلکاں ہیر دیاں تیر کمان ابرو سینے رانجھے دے تک کے مار دی اے
ترکھے ہیر دے نین کٹاریاں نے نال غمزیاں خون گُزار دی اے
پیاری مقبلے جیہاں عاشقاں نُوں نظر مہر دی ویکھ کے تار دی اے

392۔
عاشق جائے معشوق دے پاس بیٹھا ملے طالباں نُوں مطلوب میان
رب ہیر تے رانجھے دا میل کیتا اینویں میل سانوں محبوب میاں
منتر عشق دا رانجھے پھوکیا ای حال ہیر دا وسدا خوب میاں
مُرشد ہیر کریندی ہے مُقبلے نُوں پیاری بہت ہوئی محبوب میاں

393۔
رانجھا جائیکے آکھدا ہیر تائیںکون ہُنی ہیں کیہ ہے نام تیرا
باپ دادیوں کیہ ہے ذات تیری کتھے وس نی ہیں سانوں دس ڈیرہ
ڈنگ ماریا سی تینوں ناگ کالے رب بھاوے تے بخشے جیؤ تیرا
مُقبل آکھدائی قدردان ہیں نی پیاری کراں گے یاد احسان تیرا



Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels