Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 384-388

ہیر مقبل 384-388

شاہجہان مقبل
January 23rd, 2008


384۔
سیدا آکھدا پیتا سی دُدھ کچا جوگی بھلاواں بخش گناہ میرا
مینوں سخت پہوڑیاں لائیاں نی ہویا بندہے راولا ساہ میرا
مارنے غرض دے آیا میں چل تیتھے ورم دل توں شاہ جیولاہ میرا
چل مُقبلا اُٹھ کے نال میرے جان بنی توں کم نباہ میرا
385۔
ڈنگیا ناگ ایانی ہے نار میری تیری خبر سُن تیتھے آیا میں
میرا منتر نہ پھُرے وہامیاں تے رانجھا آکھدا ایہ آزمایا میں
سیدا روئیکے آکھدا راولے نوں ساری عمر ایہ مزہ نہ پایا میں
پیارے مقبلے نال نہ سیج سُتی سارا اپنا زور لگایا میں
386۔
رانجھا آکھدا سیدیا جاہ مُڑ کے گھر کسے دے مُول نہ جاوساں میں
میرے پاس بیمار نوں چاء لیاؤ منتر پھوک اٹھال بہاوساں میں
جے کر سپ دا ڈنگیا مویا ہویا حُکم رب دے نال جواوساں میں
دُکھ درد پیاری دے دور ہوئےے مُقبل گھول تعویز پیاوساں میاں
387۔
نمو جھان ہوئیکے سیدا گیا ڈیرے جاو مانوں نوں حال سُناوندا ائے
مائے جوگی دے بینتی کیتی بے ترس نوں ترس نہ آوندا ائے
بے پرواہ ہے اساں معلوم کیتا ڈیرے کسے دے مُول نہ جاوندا ئے
مقبل کھرا ہدھین ہے عاجزاں دا دولتمنداں نُوں چت نہ لانوندائے
388۔
سہتی آکھدی آپ میں جاؤنی جی جویں جانساں توں لیاؤساں میں
جوگی لب تے لوبھ دا یار ناہیں اے پر سوال خدائیدا پاؤساںمیں
گل پاپلا پیریں جا پوساں اُسنوں چھڈ کے مُول نہ آوساں میں
مُقبل آوندا ہیر نوں کرگ چنگا تینوں ظاہری گل وکھاوساں میں


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels