Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل375-379

ہیر مقبل375-379

شاہ جہان مقبل
January 26th, 2008

375۔
رانجھے ویکھ کے سہتی دی مہربانی دلوں کفر دا جندرا بھنیاں ای
لگا کھاونے کھنڈ تے چاولاں نوں رُٹھاوریاندا یار منیاں ای
رانجھے سہتی دی بہت دلیری کیتی کھانا کھائیکے بہت پرسنیاں ای
کس واسطے ملیں ہیں آء پیاری مُقبل یار دے شوق اودیناں ای
376۔
اللہ ہک تے نبی برحق ہے جیؤ سچ بولدی سہتی ہے پاس تیرے
ہیسی میرا تے اوس دا بھیت اکو کیتی بار حیران اخلاص تیرے
کھاندی آن پیوندی مول پانی ہولی سک کے کاٹھ وسواس تیرے
مہر کریں توں مقبلا اساں اُتے میں تے آئی ہاں چل کے پاس تیر
377۔
سہتی اولوں آخروں بھیت سارا بیٹھ رانجھے دے پاس سُنایا ئی
میں ہُن آئی ہاں دلوں صلاح کر کے تینوں ہیر دا خط پُہنچایا ئی
باہر جائیکے نال بہانیاں دے میں ہیر نوں سپ لڑایا ئی
پیارے مقبلے نال ملاونے توں میں تاں فن فریب بنایا ئی
378۔
تینوں سدنے آوسی ویر میرا توں اوسدے کہے نہ آنوناں ایں
تیتھوں آوسی اوہ جواب لے کے تینوں پھیر میں آن مناؤناں ایں
لکھ مِنتاں زاریاں نال تینوں میں ہیر دے پاس لجاؤناں ایں
مُقبل تساں مراد بلوچ مینوں کدی سکھ تعویز ملاوناں ایں
379۔
خاطر جمع کر سہتی نُوں کہے رانجھا تینوں یار نوں آن ملاوساں میں
پنجاں پیراں دا ہویا اے بخش مینوں جو کجھ منگساں سو کجھ پاؤساں میں
سہتی قسم مینوں احسان تیرا ساری عمر نہ مُول بھُلاوساں میں
لئیں ویچ جے لوڑ ہی مقبلے نوں کوئی عذر نہ مُول لیاؤساں میں


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels