Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل365-369

ہیر مقبل365-369

شاہ جہان مقبل
January 26th, 2008

365۔
ہیر اُٹھ کے سہتی دینال ہوئی ہمراہ ہوئیاں ہور سبھ سیاں
گھروں پُج کپاہ دے چُگنے نُوں البیلیاں اُٹھ کے جُوہ ہویاں
بَکاں وانگ تیندیاں جاندیاں نی جا کھیت کپاہ دے وچ وڈیاں
مقبل جھولیاں بنھ کے ٹینڈیاں دیاں سبناں سرا تے چاء چک لیاں
366۔
سہتی نظر بچاء سہیلیاں دی کنڈا کھڑیندا ہیرے دے پیر جَڑیا
کنڈا چوبھ کے ہنجواں کیریاں سُو کہندی ہائے ہائے ہیر نوں سپ لڑیا
ہیر بولنوں چالنوں رہ چُکی موئی موئی پُکار دی راہ پھڑیا
ڈنگ مار کے مُقبلا ہیر تائیں سپ پھیر کپاہ دے وچ وڑیا
367۔
ہولی چک کے پلہنگ تے پائے سہتی نہیں مانوں نوں سد وی مُول ڈردی
ہیر حال تھیں ہوئے بیحال گئی منہ تے آئے نزیلی ورت گئی زردی
سارے انگ تے ساک پچھدے نے ہیر کسے دینال نہ گل کردی
مُقبل آکھدا ہیر نوں سپ لڑیا کاری جھب کَرو نہیں ہیر مردی
368۔
سس آن کے ہیر دا حال ڈٹھا کہندی ہائے بچی بھیڑا آیا ئی
سکھ وسدیاں چنگیاں بھلیاں نُوں چانچک قضیئڑا پایا ئی
پیارے پٹئیے ستئے گھروں کھڑ کے کہیا ہیر نوں سپ لڑایا ئی
پیارے ہسدے کھیڑدے مقبلے نوں پھاہی عشقدی چاء پھسایا ئی
369۔
سہتی آکھدی انبڑئیے میرئےے نی گنہگار ہاں دہ تعزیر مینوں
چنگا منگیا سی مندا ہو گیا پاپ لایا ہے چندری ہیر مینوں
کائی ویکھنی سی سوئی ویکھ لئی اینویں دوس دِتا تقدیر مینوں
اوکھی گھاٹ توں پار لنگھاوندا ہے مُقبل غوث محی الدین پیر مینوں


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels