Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل360-364

ہیر مقبل360-364

شاہ جہان مقبل
January 26th, 2008

360۔
سہتی ہیر دا جیو ٹھہرائیکے جیو سجے جائیکے مانوں دے پاس بہندی
اماں ہیر دا بُرا احوال دسے نموں جھان رنجور حیران رہندی
آئی جدوں دی ساہورے پیکئیوں نی ڈٹھی کدی نہ کھیڈ وی اٹھ نڈھی
مُقبل ہیر نُوں چُگن کپاہ کھڑئیے سہتی مانُوں نُوں منتاں نال کہندی
361۔
اسیں گھیلیاں نڈھیاں پھردیاں ہاں ہیر ویکھ سانوں پچھوں تانوندی ہے
باہر جاون نُوں جی ہن پوچدا سُو تیتھوں سنگدی مول نہ جاوندی ہے
بھیت دلے دا کسے نُوں نہ دیندی وچے وچ کلیجڑا کھاوندی ہے
مقبل لاڈلی سی گھر ماپیاں دے ہیر ساہورے گھر شرماؤندی ہے
362۔
ماں آکھدی سہتی نوں اُٹھ دھئیے میتھوں کاہنوں ہیر شرماؤندی ہے
دیدن دلے دا کسے نُوں نہ دیندی میں تاں مِنتاں نال پُچھاوندی ہے
مارو جھولڑا ہیر نُوں ورت گیا ہونی کون مٹئیے بس پاؤندی ہے
مُقبل عشق لوکادہری ہور رہی پیاری کتنوں تمنوں جاؤندی ہے
363۔
سارا اپنا زور لگا تھکی نڈھی چالیوں باز نہ آوندی ہے
نہیں طعام کھاندی سُکھ سوندی آہیں مار جیؤ کھپاوندی ہے
دھیاں بیٹیاں دا کجھ راہ نائیں کدی کم نُوں ہتھ نہ لاوندی ہے
تیرے نال نہ ورجدی جاؤندی نوں لے جاہ جے مقبلا جاوندی ہے
بُردن سہتی ہیر برائے ملاقات رانجھا
364۔
سہتی مانوں توں آوندی اِذن لیکے کہندی اُٹھ کُپاہ نُوں چل ہیرے
ہس کھیڈ کے جیؤولام نواں پُچھنی تینوں ایں کائی گل ہیرے
رانجھا ملے گا جیؤ نوں رکھ تھاویں رب کرے گا مشکلاں حل ہیرے
ہیرے آسراغوث محی الدین دا جیؤ مُقبل کر اَوّل سوَلّ ہیرے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels