Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل355-359

ہیر مقبل355-359

شاہ جہان مقبل
January 26th, 2008

355۔
قولاں آکھ تُوں رانجھے نُوں جائیکے نی تینوں ہیر ہمیش سہمالدی ہے
جل بل کے کوئیلا ہوئی اندروں باہروں دُھوں نہ مول نکالدی ہے
تارے گن دیاں رات وہاندی سُو دِنے روندیاں وقت بھی ٹالدی ہے
مُقبل باہجھ تیرے کسے ہور اگے دُکھ اپنا پھول نہ ڈالدی ہے
356۔
قولاں ہیر دا حال احوال سارا جارانجھے نُوں آکھ سنایا ہے
کسے پج ہی آوسی ہیر تیتھے او جیؤ دا بھیت لُکایا ہے
تیرے عشق نچوڑی ہے تاب میری مینوں دنوں دن درد سوایا ہے
مُقبل بھُلے ہاں بخش گناہ میرا پیارے جان کے دغا کمایا ہے
357۔
رانجھے قولاں دے باب دعا کیتی کہندا کیتی ہے تدھ ایہ سرفرازی
تُدھ پُجکے قولاں احسان کیتا تیرا ہوئیکے رہ غلام پازی
مولا کرے گا کم آسان تیرے کیتی تُدھ غریب دی کار سازی
مُقبل آکھدا جے توں انگ نہاویں توں جت سیں پیارئیے انت بازی
358۔
ہیر سہتی نُوں سد کے بھیت کہیا سارا اپنا حال بیان کیتا
جوگی نال کیوں سہیئے جھگڑ دی سیں مینوں اوسدے عشق حیران کیتا
مارے عشق دے انگ نہ تایا سومینوں دیکھنے دا سامان کیتا
مُقبل یارے دے پاس لے جاہ مینوں ہیر ویکھنے دا سامان کیتا
359۔
خاطر جمع کر بھابیئے کہے سہتی تینوں رانجھے دے نال ملاؤساں میں
ٹکراوساں پرتباں بھاریاں تُوں باہجھ بدلاں مینہ وساوساں میں
اسمان تے زمین دا میل کرساں بیڑی ریت دیوچ چلاوساں میں
مُقبل عمر وچ کدی نہ ہوگ ڈٹھا جیہا اختراج بناؤ ساں میں


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels