Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 350-354

ہیر مقبل 350-354

شاہ جہان مقبل
January 26th, 2008

350۔
قولاں آکھدی راولا بیٹھ گوشے دیساں ہیر نوں جا پیغام تیرا
جویں آکھیائی تویں جاء اکھاں تویں دس ساں ذات تے نام تیرا
نہیں اپنے دلوں تقصیر کر دی اگے طالع نیک ایام تیرا
تینوں ہیر نوں آن ملاؤساں میں مولا کرے گا مقبلا کام تیرا
351۔
جو کجھ آکھسی ہیر سو آن کہاں اَنویں جان داہے رب پاک میرا
کجھ ہوندا نہیں نقصان میرا مفت آوندا جے تینے کام تیرا
رانجھے قولاں دے حق دُعا کیتی شالا رہیں نڈھی سُکھ دسے ویہڑا
کدی ہیر پیارئیے مُقبلے ول کریں نام خدائیدے آن پھیرا
پیغام دادن قولاں ہیررا
352۔
وداع ہوئیکے رانجھے توں گئی قولاں سہجے بیٹھ دی ہیر دے کول جاکے
چاچی کن وچ اُٹھ کے گل سُن لے قولاں آکھدی ہیر نوں وقت پا کے
پیکے چاک نے تینوں ہے یاد کیتا دھیدو نام یقین کرلو لاکے
تیرے عشق دا ماریا ہویا جوگی پیارے مقبلے دا ویکھ حال جا کے
353۔
تینوں روئے اُلاہمڑے دیوندا ہے درد مند غریب یتیم رانجھا
ہیرے جھلاں دے وچ گُزراں آہی تیرے نال میرا دُکھ سُکھ ساہنجھا
اپنی دستیں کھیر کھوالدی سیں ساری عمر پلایا ئی دُدھ ماہنجھا
وقت پے نہ مول پچھایو ای نہیں اوپرا مُقبلا ہور رانجھا
354۔
ہیر قولاں توں رانجھے دا نام سن کے کہندی وارسٹی قربان ہوئی
جوگی ہوئے رانجھا چھل گیا مینوں کیتے اپنے توں پشیمان ہوئی
نہ سی شان گمان تُدھ آویندا پاٹے ویکھ کے کن حیران ہوئی
مُقبل بھلی ہاں بخش گناہ میرا مارے عشق دے ہیر حیران ہوئی


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels