Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 345-349

ہیر مقبل 345-349

شاہ جہان مقبل
January 26th, 2008

345۔
قولاں آکھدی اَجُودی پوتری ہاں میری چاچی ہے ہیر سیال میاں
کھیڈن آئی ساں نال سہیلیاں دے ایتھے ورتیا ایہ جنجال میاں
تیرے ہتھ دی بھاوڑی کھاونی سی کیا کہانی سی تُوں ات حال میاں
مُقبل یار ملیا دھن بھاگ میرا میں اتنے وچ سہمال میاں
346۔
رانجھا آکھدا نڈھئیے کم میرا تیرے گوچرا پیا ہے آئیکے جیؤ
جی جیؤساں رہاں غُلام تیرا ٹہل کراں گا جیؤ لگائیکے جیؤ
اگے کسے دے گل نہ کریں میری کھاہ قسم قرآن اٹھائیکے جیؤ
مُقبل رن نوںمُول نہ بھیت دئیے تسی ویکھ لہو آزمائیکے جیؤ
347۔
خاطر جمع کر رانجھے نوں کہہ قولاں تیرا کسے نوں بھیت نہ دسیاں میں
سمجھاؤساں ہیر نوں بیٹھ گوشے وچ لوں لوں اوسدے رچیاں میں
چغلی کھاویندا میرا نہ پیشہ ایسی غیبتوں تہمتوں نسیاں میں
مُقبل یار غمخوار دا داغ مینوں غیر محرماں نال نہ رہسیاں میں
348۔
رانجھا آکھدا نڈھئیے سُکھ وسیں در آوسی کُل مقصود تیرا
بھاوے رب تاں ہووے گا حال چنگا مرجاگ بدخواہ مردُود تیرا
میری ہیر آکہے دی بندگی نی اکھیں ایسے وچ ہوگ بہبُود تیرا
رضا مند جے کریں گی مُقبلے نوں تیتھوں ہو سی رب خوشنود تیرا
349۔
سچی اپنی چاچی نُوں جاء آکھیں ہیگا چاک تیراطلب گار ہیرے
تیرے عشقدا ماریا ہویا جوگی دھیدو چھوڈ دتا گھر بار ہیرے
کھسی لائیکے ویہڑیوں کڈھیائی جدوں آن کھلا دربار ہیرے
مُقبل اپنے یار نوں جیوندے جیؤ اک وار توں دیہ دیدار ہیرے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels