Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل305-309

ہیر مقبل305-309

شاہ جہان مقبل
January 26th, 2008

305۔
بالناتھ رنجھیٹے دی گل سُن کے رہیا ہوئیکے بہت حیران میاں
کہندا کملیا چھوہرا عقل گیا نہیں سکھناں جوگ اسان میاں
وارے جوگ دے کدے نہ آؤسیں اوئے تیتھے جوگدا نہیں سامان میاں
جوگی ہوئیکے مُقبلا وٹنا کیہہ ہس کھیڈکے کریں گُزران میاں
306۔
رانجھا ناتھ تھیں سخت جواب سُن کے زاری روئیکے حال سُناوندا اے
جوگی ہویاں ناتھ جی مکت ہندی جوگ جیؤ دی مَیل گواؤندااے
جوگی ہویاں پُجدیاں سب آساں جوگ رب نوں چاء ملاؤندا اے
مُقبل گرو ہن جوگ سکھلاء مینوں تیرے پلیؤں کجھ نہ جاؤندا اے
307۔
جوگی آکھدا چھوہرا کملیا اوئے جیڈا منہ تیڈی کر گل میاں
جوگ کم ہے سوریاں پوریاں دا جہناں جھلے نے برہوندے سل میاں
تُدھ کھاؤنیاں چیزاں تے نعمتاں نے ایہنے کھاونے نے بل میاں
جوگی ہوئیکے مُقبلا وٹنا کیہہ راہ باپ تے دادے دے چل میاں
308۔
رانجھا آکھدا جوگ ہے کھرا اوکھا بالناتھ جی سچ فرماوندے ہو
ابراہیم جہیاں راج چھوڈ دتا سانوں بھُکھ تھیں ڈراوندے ہو
گھروں سڑے ہوئے تساں پاس آئے تسیں بھڑکدے نُوں بھڑکاوندے ہو
دامن مْقبلے دا اساں پگڑیا اے جوگ دیہو جی جیو کھپاوندے ہو
309۔
ماہی منڈیاں جوگ ہے کھرا اوکھا بالناتھ نے آکھ سُنایا اے
قد سوہنا بھلی پوشاک تیری ہس کھیڈ کے وقت لنگھایا اے
جائے پکیاں تے تُدھ کھادیاں نی تینوں جوگ دامزہ نہ آیا اے
مُقبل جوگ تے بھکھ دا چھڈ کھہڑا گھر جاکیوں جئیو کھپایا اے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels