رفتن رانجھا نزد بالناتھ برائے مریدی او 301۔ چاٹ برہوندی رانجھے نوں پھیر جاگی سینہ سانگ قراقدی ستھیا اے چوری بھائیاں اتے بھرجائیاں توں بالناتھ گرودے ایہ چلیا اے پُہنتا منزلیں منزلیں جاء ٹلے جوگی ہووناں لوڑ داچلیا اے مُقبل سوریاں چاریاں شیخ صنعاں جدوں عشق نے مار پتھلیا اے 302۔ بالناتھ دے دائرے جائیکے جیؤ روڑی گڑے دی ہور جو روک سردا پیر چُم کے رانجھنا صدق سیتی بالناتھ دی جائیکے نظر دھردا ہتھ بنھ کے روبرو کھڑا ہویا گوپی چند جیؤ لوڑ داجوگ کردا میرے بھاگ جاگے ملیا گرو مینوں فضل الہٰ دینال تردا 303۔ بالناتھ نے آکھیا رانجھنے نُوں بچہ آئیکے بیٹھ وچھاؤنے تے چل کہیڑیوں دہر توں آیائیں جی کہیڑی تھانوں ہے جاونے تے ہوشناک جہیا نظر آوناں ہیں لک بدھا ہی جیؤ دھراونے تے دس واسطہ مقبلا آونیں دا میرا جیؤ ہے بہت پچھاؤنے تے 304۔ رانجھا ویکھ کے جوگی دی مہربانی بالناتھ دے جائیکے پیر پھڑ دا کہندا ناتھ جی برہوندی اگ بھڑکی میرا ہائے کلیجڑا نِت سڑ دا تیری صفت میں سُنی بیراگیاں توں بالناتھ سینسار نُوں سرگ کردا مُقبل گروبِن جوگ سکھلاؤ مینوں تیرا مکھ ڈٹھیاں سب پاپ جھڑ دا
