Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 286-290

ہیر مقبل 286-290

شاہ جہان مقبل
January 26th, 2008

286۔
دادا ہیر دا لکھیا رانجھے نُوں پردے وچ لیجا پہنچاونا ئیں
پہلاں جھنگ سیالاں دے خبر لیں پھر تخت ہزارے نُوں جاونا ئیں
پرھوائے کے رانجھے نوں سب رقعہ اسدا موڑ جواب لیاونائیں
وچ دلیدے آکھناں مُقبلے نُوں درد منداں دادرد گوانا ئیں
287۔
باہمن گھن کے خط تیار ہویا پہلاں جھنگ سیالاں دے جاوندا ہے
چُوچک سیالدے جائیکے رات رہیا اوتھوں چاک دی خبر پہنچاوندا ہے
لوکاں آکھیا وطن نُوں گیا رانجھا نال خیر دے وقت لنگھاوندا ہے
مُقبل چاکدی خبر تحقیق لے کے پھیر تخت ہزارے نوں جاوندا ہے
288۔
وچ تخت ہزارے دے جاء وڑیا ملیا رانجھے نُوں ڈھونڈدا آء میاں
برہمن ادب دےنال سلام کر دا رانجھا آکھداپنہ خدا ء میاں
کتھوں آیا ہیں کیہڑی جاء وہسیں گل سچدی آکھ سنا ء میاں
صورت مقبلے دی کدی ناڈٹھی ایتھے کون تیرا آشناء میاں
289۔
بہمن آکھدا ڈھونڈ کے مساں لدھوں نہیں چت گوارنے جھلیا میں
میرا وطن ہے رنگپور کھیڑیاں دا تیتھے ہیر سیال نے گھلیا میں
رقعہ واچ کے دیہہ جواب مینوں پھراں مست اُداس اولیا میں
پندھ مار کے مُقبلا چُور کیتا اج جھنگ سیالاں توں چلیا میں
290۔
رانجھا ہیر سیال دا نام لے کے اُٹھ باہمنے نُوں گل لاوندا ہے
عاشق واچ کے خط محظوظ ہویا جامے وچ نہ پھُول سماوندا ہے
داؤ فجر دی نال جیؤ پھُل ِکھڑ دا اینویں چاک بھی پھُلدا جاوندا ہے
لکھ ورہیاں دے کُرنگ نُوں جند پئی مُقبل رب دا نام دھاوندا ہے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels