Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 276-280

ہیر مقبل 276-280

شاہ جہان مقبل
January 26th, 2008

276۔
عشق رانجھے دے مار کے چُور کیتی نڈھی ہیر دا کجھ احوال ناہیں
نڈھی کھیڈناں ہسناں چھڈ نائی پھرے کملی سُدھ سنبھال ناہیں
دَم دَم چتاردی رانجھے نُوں کوئی ہور بھی ذرا خیال ناہیں
مُقبل ملے تاں کٹیئے درد میرا مینوں رب توں ہور سوال ناہیں
277۔
وچ اکھاں دے عشقدی چننگ پُوری محرم کار ہووے سوئی آن پتھےے
کہندی کسے نہوں مُول نہ جاؤندی ہے سوہیاں کئی ہنیر نے مار تھکے
دید کئی نے لکھ ہزار مُلاں پڑھن علم تے حکمتاں لاء تھکے
مُقبل یار نُوں آن ملاء مینوں میری جان عذاب توں پرت چھُٹے
278۔
سہتی آئیکے پُچھدی ہیر تائیں کہی بھابیےے تُدھ نُوں واو وگی
آئی جدوں دی ساہورے پیکیوں توں ڈٹھی کدی نہ ہسدی کم لگی
دنوں دن توں سُکدی جاؤندی ہیں دِسیں سانولی پیلڑی رنگ بگی
مُقبل کامناں دے تینوں زور پئے دس جاوندی پیش ٹھگی
اظہار کردن ہیر ازخود نزد سہتی
279۔
بھیت اولوں آخروں لے سارا ہیر سہتی نوں آکھ سناوندی ہے
نہیں تاپ تے مُول سراب مینوں پیڑ عشقدی کالجہ کھاوندی ہے
مینوں چاک باہجوں دن مویاں جاندا اکھیں رات نُوں نیند نہ آوندی ہے
مُقبل میل مینوں جے تُوں مہر کیتی کائی دوسری گل نہ تھاوندی ہے
280۔
خاطر جمع کر ہیر نُوں کہے سہتی تیرے درددا سہج علاج ہیرے
مینوں نال مُراد بلوچ دے نی تیرے وانگ پریمدا کاج ہیرے
رقعہ لکھ تُوں اپنے چاک تائیں تیرے نال ہے اسدا ساج ہیرے
خط واچداآوسی پاس تیرے مُقبل بہت تیرا محتاج ہیرے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels