Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 271-275

ہیر مقبل 271-275

شاہ جہان مقبل
January 26th, 2008

271۔
دن دوسرے تیسرے آن بیٹھے ہوئے سب اکٹھڑے آئیکے جیؤ
کر جمع سیالاں دے سب لاگی لئے اپنے پاس بہائیکے جیؤ
دتے روک روانگی کھیڑیاں نے رُخصت کیتے نے سب پہنائیکے جیؤ
مُقبل جھنگ سیالاں نُوں رواں کیتے پنداں کٹ پہنچے گھر آئیکے جیؤ
روانہ گشتن رانجھا بہ تخت ہزارہ
272۔
جامہ دہ ودائیگی کھیڑیاں نے رانجھا جھنگ سیالاں نُوں گھلیا اے
رانجھے راہ سیالاں دا چھڈ دتا پھیر تخت ہزارے نُوں چلیا اے
پُہنتا منزلیں منزلیں جاء خانے دسے عقل شعور تھوں چلیا اے
ملیا جائیکے بھائیاں بھابیاں نُوں مقبل یار دے عشق دا پھلیا اے
273۔
بھائی ویکھ کے رانجھے نُوں خوشی ہوئی شکر ونڈدے پیر مناؤندے نی
پانی گرم دینال نہالدے نی جوڑا خاص دا چا پہناؤندے نی
سر چُم کے بہت پیار دیندے تُرت چوریاں کُٹ کھواوندے نی
لتاں تیریاں تے سر اساڈڑا جی مُقبل رانجھے دا جیؤ دھراؤندے نی
274۔
ہویا چھندیا رانجھے دیاں بھابیاں دا مشتاق محظوظ خوشحال ہوئیاں
رانجھا رب نے آن ملایا ہے مُکھ رانجھے دا ویکھ نہال ہویاں
سبناں رانجھے دینال اخلاص کیتا دنے رات فقیر دے خیال ہوئیاں
مُقبل آکھدیاں رانجھیا باہجھ تیرے اسیں سکدیاں بہت بیحال ہوئیاں
275۔
لارس لاء رانجھا بھرجائیاں نُوں نت اپنے کھہڑیوں ٹالدا ہے
حکم کرو سو منناں بھابیونی وقت نال خوشامتاں جالدا ہے
عشق ہیر دا نت رنجھیٹڑے نُوں سینے وچ النبڑا بالدا ہے
دل بھابیاں نال نہ مُول لاوے مُقبل قول معشوقدا پالدا ہے
بیتاب گشتن ہیر بفراق رانجھا


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels