Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کلاسک >> ہیر شاہجہان مقبل >> ہیر مقبل 256-260

ہیر مقبل 256-260

شاہ جہان مقبل
January 26th, 2008

256۔
تریجی وار روپیڑا روک پایا سب رناں نے ہیر دے خیال ہو کے
اکھن ایہ واری تیری رہی ہیرے سیدا ہویا تیار تیں نال ہوکے
نال حکم خدائیدے کھیڈیا سی ہیر اُٹھ کھلی خوشحال ہو کے
جس دا روک روپیہ سی لیا اس نے مُقبل گیا سیدا بیحال ہوکے
257۔
نائین کھیڑے دی آئیکے اُٹھ فجری سر ہیر دا کھوہل نہاونے نُوں
سرکھوہل کے ڈوری نوں پاس رکھدی واہل کھوہلدی دہیئں دی پاونے نوں
پانی گرم کر کے بھانڈا دھرے اگے ماہی واسطے ہیر نہلاونے نوں
مُقبل قید فرنگ دی ہیر آئی جی لوچدا کویں چھڈاونے نوں
258۔
وٹنا گھول کے چھنے دیوچ آندا ڈومنی لیائیکے ہیر دے پاس دھردی
ملے تیل تے راگ سُناوندی ہے گلاں ہس کے ہیر دینال کر دی
سینے وچ فراق رنجھیٹڑے دا گُجھی پیڑ کلیجے دے وچ مردی
آکھ مُقبلا کرو علاج کوئی میری جان عذاب تھوں پئی ڈر دی
259۔
ہیر نہا چُکی کُڑیاں جمع ہوئیاں جویں چند دے گرد پروار ہوئی
ہتھ پگڑ کے کنگھی نوں ڈومنی نے والا واہونے نُوں تیار ہوئی
کنگھی واہ پھُلیل لگاوندی ہے مُشک عطر تے بہت گلزار ہوئی
مُقبل ہیر دا وس نہ چلدا سی قید دُشمناں دی لاچار ہوئی
260۔
سر گُند کے مولڑی پائیونے زلفاں لٹک رہیاں پیچ پائیکے جیؤ
دھڑی لائیکے خوب سنگاریونے کُڑیاں وہوٹیاں بیٹھیاں آئیکے جیؤ
حسن ہیر دا ویکھ صلاحیونے سورج چند بھی رہے چُھپائیکے جیؤ
عشق رانجھے دا مُقبلا بھوگ کہیا جھولی ہیر دی بھاہ لگائیکے جیؤ


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels